కొత్త విద్యావిధానంతోనే మానవ వికాసం

ప్రమాణాలు పెంపొందించే ప్రక్రియ

Education System
Education System

శ్రీ కృష్ణదేవరాయ విశ్వవిద్యాలయంలో ‘ట్రూత్‌ ఈజ్‌ ఎట్‌ ద బాటమ్‌ ఆఫ్‌ ద వెల్‌ ‘అనే సూక్తితో ఉన్న ఒక చిత్ర పటం వేలాడుతూఉండేది.

ఈ సూక్తిని స్ఫూర్తిగా తీసుకొని నూతన విద్యావిధానం ముందుకు వెళ్లే ప్రయత్నం చేస్తున్నదని విద్యావంతు ల మనోభావం.

శ్రీకృష్ణదేవరాయ విశ్వవిద్యాలయం ఎంబ్లమ్‌లో ‘విద్యయా అమృతం అశ్తున్తే అనే ఉపనిషత్‌ వాక్యం విద్యకున్న విశిష్టశక్తిని సూచిస్తుంది.

విద్యఅనే ప్రక్రియ మరణంలేని జ్ఞానాన్ని, బుద్ధిని, వివేకశక్తిని ప్రసాదిస్తుంది.అటువంటి విద్యకు ప్రాచీనకాలం నుండి ఒక ప్రత్యేకత ఉంది. విద్య మానవ వికాసానికి ఎంతో తోడ్పడుతుంది.

విద్యాభ్యాసం కాలక్రమేణా అనేక మార్పులు, చేర్పులతో ముందుకు వెళుతూ ఉంది.

‘స్పర్ధయ వర్ధతే విద్య అన్నారు సాహితీవేత్తలు. అంటే విద్యనభ్యసించడంలో పోటీ ఉండాలని పండితుల నమ్మకం.

మన ప్రస్తుత నూతన విద్యావిధా నం పై పేర్కొన్న సూక్తులకు స్ఫూర్తిదాయకంగా ఉన్నదా లేదా అన్న విషయాన్ని పరిశీలిస్తే మంచిది. ఎన్నో శతాబ్దాలు గడిచినా విద్య,జ్ఞానం, వివేకం బుద్ధిని పెంచే ప్రక్రియకు సంబంధించినవి.

కాబట్టి ప్రస్తుతం కూడా విద్య విద్యాభ్యాసం జ్ఞాన సముపార్జన దిశగా పయనించవలసి ఉంది. ఈ దిశగా ప్రస్తుత విద్యా విధానం ముందుకు తీసుకువెళ్లనుంది.

మనదేశంలో బ్రిటిష్‌ ప్రభుత్వంలోని లార్డ్‌ మెకాలే ప్రతిపాదించిన విద్యాసంస్కరణలతో మొదలై, ప్రస్తు తం కస్తూరిరంగన్‌ విద్యావిధానం వరకు అనేక దశలలో విద్యా పరమైన విధివిధానాలతో సంస్కరణలు ముందుకు సాగుతున్నా యి.

మెకాలే విద్యావిధానం ఆనాటి బ్రిటిష్‌ ప్రభుత్వానికి ఉపయో గపడేవిధంగా రూపొందితే, నేటి విద్యావిధానం మానవ వికాసాభి వృద్ధికి ఉపయోగపడే విధంగా రూపుదిద్దుకోనున్నదని చెప్పవచ్చు. ప

్రస్తుత దేశాభివృద్ధికి మానవ వనరుల అభివృద్ధి ప్రాముఖ్యత పెరిగింది. మానవ వనరుల అభివృద్ధికి ప్రధానమైన మెట్టు విద్య. అందుచేత విద్య, విద్యాభివృద్ధి, విద్యావిధానం ప్రధానాంశాలుగా ప్రస్తుత రాష్ట్ర,కేంద్రప్రభుత్వాలు విధానపరమైన అంశాలను అధ్య యనం చేస్తున్నాయి.

ఈ ప్రక్రియలో నూతన 2020 విద్యావిధా నం ఒక ప్రధాన మైలురాయిగా భావించవచ్చు. ప్రస్తుత విద్యా విధానాన్ని నేషనల్‌ ఎడ్యుకేషన్‌ పాలసీ అంటారు. ఈ ఎన్‌ఇపి అనేది మార్పులు సూచిస్తుంది.

కేంద్రప్రభుత్వం ఆమోదించిన ప్రస్తుత 2020 విద్యావిధానం రాష్ట్రప్రభుత్వాలు ఆచరిస్తే కొన్ని ప్రయోజనాలు ఉంటాయనేది ప్రస్తుత రాజకీయ, విద్యావేత్తల అభిప్రాయం.

మనదేశంలో ఉన్న రాజకీయ,సాంస్కృతిక, సాంఘిక, భౌగోళికపరమైన విభిన్నమైన పరిస్థితుల దృష్ట్యా ఏ విధివిధాన మైనా కొన్ని సమస్యలు ఎదుర్కొనక తప్పదు.

మారుతున్న కాలా నుగుణంగా విధానమైన మార్పులు అవసరమని విశ్లేషకుల అభి ప్రాయం. ఉదాహరణకు 2030 నాటికి ప్రతి ఒక్కరికి ఇసిసిఇ (అర్లీ చైల్డ్‌ హుడ్‌కేర్‌ అండ్‌ ఎడ్యుకేషన్‌) అందుబాటులోకి తేవాలని సూచించారు.

ప్రస్తుతం 10+2+3 విధానం ఉండగా, కొత్తగా 5+3+3+4 విధానాన్ని ప్రవేశపెట్టనున్నారు. ఈ నూతన విద్యా విధానం శాస్త్రీయంగా ఉంది.

విద్యార్థి వయస్సుబట్టి విద్యాబోధన విధాన పద్ధతులు, సిలబస్‌ తయారు చేయడం వంటి ప్రక్రియల ను పరిశీలించినట్లయితే నూతన విద్యావిధానం పెక్కు మార్పులు జరగాలని సూచించింది.

వీటిలో చాలావరకు ఆచరణయోగ్యమైనవి ఉన్నాయి.ఉదాహరణకు 3-6 ఏళ్ల మధ్య వయస్సున్నవిద్యార్థులకు ప్రాథమిక విద్యను అంగన్‌వాడీ,ప్రీస్కూల్స్‌ అందుబాటులో ఉంచు తారు.ఈ దశలో విద్యార్థికి కావాల్సిన బోధనాపరమైన అంశాలపై అవగాహన ఉన్న ఉపాధ్యాయులు లేరు.

3-6 సంవత్సరాలు ఉన్న విద్యార్థులకు కావాల్సిన వసతుల కల్పన సమకూర్చడానికి ఇంకా ఎక్కువ సమయం కావాలి.

ప్రాథమిక స్థాయిలో అక్షరాలు, భాషలు, అంకెలు,సంఖ్యలు,లెక్కలు, రంగులు, పజిల్స్‌, లాజికల్‌ థింకింగ్‌, ప్రాబ్లం సాల్వింగ్‌, డ్రాయింగ్‌, పెయింటింగ్‌, విజువల్‌ ఆర్ట్‌,క్రాఫ్ట్‌, డ్రామా మ్యూజిక్‌ తదితర అంశాలు ఈ స్థాయిలో బోధించాలని సూచించారు.

కానీ పైన పేర్కొనబడిన వివిధ అంశా లను బోధించే ఉపాధ్యాయులను సమకూర్చేప్రక్రియ చాలా ప్రయా సతో కూడుకున్న కార్యక్రమం.

అంతేకాకుండా కొత్త విద్యావిధానం ప్రకారం 2022 నాటికి విద్యార్థుల్లో నైపుణ్యాల ఆధారిత విద్యాభ్యాసం పెంపొందించాలని, బట్టీ విధానానికి స్వస్తి పల కాలని పేర్కొన్నారు.

పాఠ్యపుస్తకాలపై ఆధారపడి నేర్చుకునే విధా నాన్ని తగ్గిస్తూ పరస్పర సంభాషణ పద్ధతిలో విషయ విశ్లేషణ పద్ధతుల్లో ముందుకు వెళ్లాలని నిర్ణయించారు.

ఈ పద్ధతి విజ్ఞాన వంతులైన ఉపాధ్యాయులపై ఆధారపడవలసి వస్తుంది. ప్రస్తుతం ఉన్న విద్యాసంస్థల సంఖ్య, విద్యార్థుల సంఖ్య, ఉపాధ్యాయుల సంఖ్య విశ్లేషించుకున్నట్లయితే ప్రస్తుత నూతన విద్యావిధానం ఆశించినట్లు జరగాలంటే చాలా సంవత్సరాలు పడుతుంది.

నూతన విద్యావిధానంలో పరీక్షలకు ప్రాధాన్యం తగ్గించి జ్ఞానార్జనపై దృష్టి పెట్టి కేంద్రీకృత విద్యాభ్యాసం జరగాలంటే ముఖ్యంగా ఉత్సాహ వంతులైన, విజ్ఞానవంతులైన, వృత్తిపై మమకారమున్న వ్యక్తులను ఉపాధ్యాయులుగా నియమించాలి.

నూతన విధాన నిపుణులు నేషనల్‌ సెంటర్‌ ఫర్‌ పర్ఫార్మెన్స్‌, అసెస్‌మెంట్‌, రివ్యూ అండ్‌ అనాలసిస్‌ ఆఫ్‌ నాలెడ్జ్‌ ఫర్‌ హూలిస్టిక్‌ డెవలప్‌మెంట్‌ను ఏర్పాటు చేస్తామని ప్రకటించారు.

ఈ సంస్థ విద్యార్థుల మూల్యాంకానికి సంబంధించిన ప్రమాణాలు, మార్గదర్శకాలను ఏర్పాటు చేస్తుంది. ఈ సంస్థ ప్రకటన పనితీరును పరిశీలిస్తే ఉపాధ్యాయులు పని నిబద్ధత, నేర్పరితనంపై ఆధారపడి ఉంటుంది.

ఈ సంస్థ ఆశిం చిన ఫలితాలురావాలంటే శక్తివంతమైన, జ్ఞానవంతమైన నిబద్ధత కలిగిన ఉపాధ్యాయులు విద్యార్థి ప్రగతిని నిరంతరంపరిశీలించాలి.

నైపుణ్యంగల ఉపాధ్యాయుల సమీకరణ దీర్ఘకాలిక ప్రణాళిక ప్రక్రి యపై ఆధారపడి ఉంది. ఈ సంస్థ సూచనలు రాష్ట్ర ప్రభుత్వాలు ఆచరణలో పెట్టాలంటే చాలాకాలం పడుతుంది.

మనదేశంలో సైన్యంలో దేశభక్తిని పెంచే ప్రక్రియ ప్రాతిపదికగా ఉపాధ్యాయుల కు కూడా వృత్తిపరమైన నిజాయితీని పెంపొందే విధివిధానాలను ప్రవేశపెట్టాలి

.అప్పుడే నూతన విద్యావిధానంసఫలీకృతమవుతుంది.

2020 నూతన విద్యావిధానంలో రాబోవు పది సంవత్సరాల కాలంలో కేంద్రప్రభుత్వం రాష్ట్ర ప్రభుత్వాలు విద్యపై బడ్జెట్‌లో 20 శాతం పెంచాలని సూచించింది. ఇది నిజంగా ఆదర్శనీయం.

ప్రభుత్వ స్వచ్ఛంద ఆర్థికసహకారం, అకడమిక్‌ లీడర్స్‌ ఎంపిక ఫలితంగా ఉన్నత విద్య పటిష్టపరచవచ్చునని నూతన విద్యా విధానం నమ్ముతున్నది.

ఈ నూతన విద్యావిధానం ఆర్థిక, సాంఘిక, భౌగోళిక అసమానతలను గుర్తించినందువల్ల రాబోవు కాలంలో విద్యాప్రమాణాలను పెంపొందించే ప్రక్రియలో సుదీర్ఘ ప్రయోజనాలను సాధించవచ్చని భావించవచ్చు.

  • ఆచార్య కాడా రామకృష్ణారెడ్డి

తాజా ఆంధ్రప్రదేశ్‌ వార్తల కోసం: https://www.vaartha.com/andhra-pradesh/