మన రాష్ట్రంలో కరోనా అదుపులో ఉంది

కరోనాను నియంత్రించడంలో తెలంగాణ విజయవంతమైంది

TS Minister KTR-
TS Minister KTR-

హైదరాబాద్‌: తెలంగాణ ప్రభుత్వం కరోనా వ్యాప్తిని నియంత్రించడంలో విజయవంతమైందని మంత్రి కెటిఆర్‌ తెలిపారు. గత ఆరు నెలలుగా వైద్య, ఆరోగ్య శాఖ అద్భతంగా పని చేసిందని… వైద్యశాఖ మంత్రి ఈటల రాజేందర్ నేతృత్వంలో మంచి పనితీరును కనపరిచిందని కితాబిచ్చారు. హెల్త్ సెక్రటరీ నుంచి ఆశా వర్కర్క్ వరకు ప్రతి ఒక్కరూ తమ వంతు బాధ్యతను నిర్వర్తించారని కొనియాడారు. ప్రజల్లో భరోసాను కల్పించారని అన్నారు. ఇతర రాష్ట్రాలలో కరోనా కేసులు పెరుగుతుంటే… మన రాష్ట్రంలో మాత్రం అదుపులో ఉందని చెప్పారు.

ఈ ఆరు నెలల్లోనే కాకుండా గత ఆరేళ్లుగా వైద్య, ఆరోగ్యశాఖ గొప్ప పనితీరును కనపరిచిందని కేటీఆర్ చెప్పారు. మాతాశిశు మరణాల రేటును తగ్గించిందని, ఐసీయూ యూనిట్లు, బ్లడ్ బ్యాంకులు, డయాలసిస్ కేంద్రాల ఏర్పాటు వంటి అనేక కార్యక్రమాలను నిర్వహించిందని తెలిపారు. సీజనల్ వ్యాధులు, రోగాల పట్ల ప్రజల్లో కూడా అవగాహన పెరిగిందని అన్నారు. రానున్న రోజుల్లో మెడికల్ ఇన్ఫ్రాస్ట్రక్చర్ ని మరింత బలోపేతం చేసే దిశగా ప్రభుత్వం పని చేస్తుందని మంత్రి కెటిఆర్ చెప్పారు.


తాజా అంతర్జాతీయ వార్తల కోసం క్లిక్‌ చేయండి:https://www.vaartha.com/news/international-news/