కరోనా డెల్టా వేరియంట్ తో రానున్న రోజుల్లో తీవ్ర ముప్పు
ప్రపంచ ఆరోగ్య సంస్థ వెల్లడి
కరోనా డెల్టా వేరియంట్ ప్రపంచాన్ని వదిలేలా లేదని ప్రపంచ ఆరోగ్య సంస్థ తాజా నివేదిక తెలిపింది డెల్టా వేరియంట్ వ్యాప్తి రానున్న రోజుల్లో మరింత ఎక్కువగా ఉండే అవకాశముందని పేర్కొంది. ఈ వేరియంట్ కారణంగా ప్రపంచ వ్యాప్తంగా కేసుల వివరాలను వివరించింది. ఈ నెల 13 నాటికి 111 దేశాల్లో డెల్టా వేరియంట్ను గుర్తించినట్లు , రాబోయే నెలల్లో ప్రపంచవ్యాప్తంగా ఇది ప్రబలే ప్రమాదం ఉందని హెచ్చరించింది.
ప్రపంచవ్యాప్తంగా ఈ నెల 11వ తేదీ వరకు 30 లక్షల కేసులు నమోదయ్యాయని అంతకు ముందు వారంతో పోల్చితే పది శాతం ఎక్కువగా తెలిపింది.కొవిడ్ కేసుల సంఖ్య 18.6 కోట్లు కాగా, మరణాల సంఖ్య 40 లక్షలు దాటిందని తెలియజేసింది. ఈ వారం అమెరికా మినహా అన్ని దేశాల్లో కేసులు పెరిగాయి. 178 దేశాల్లో ఆల్ఫా వేరియంట్, 123 దేశాల్లో బీటా వేరియంట్, 75 దేశాల్లో గామా వేరియంట్ కేసులు నమోదైనట్లు వివరించింది.
తాజా సినిమా వార్తల కోసం: https://www.vaartha.com/news/movies/