బాల గేయం

మా తాత సాటిలేరు!

నాకున్నవి రెండే రెండు కన్నులు
మా తాత కళ్లజోడుతో నాల్గు కన్నులు
ముసిముసిముసి బోసినవ్వుతో
నీతులు మెరిపించి మురిపించి
కదిలించే కథల పుస్తకం మాతాత!
రీతులు నడవడికలు చెబుతూ
ఆటలు పాటలు ఎన్నో నేర్పిస్తూ
అల్లరి తగదని బుద్ధి బోధిస్తూ
బాధతో ఏడుస్తుంటే లాలిస్తూ
చేరదీసి షికార్లు చేయించు మా తాత!
ఇంటింటా తాతగార్లు ఉంటే
పిల్లలకు ముద్దుల పంట పండును
పెద్దలకు ధీమాదీవెనలందును
తాతకు ఎవరూ సాటి లేరు మరి
ప్రేమకు ప్రతిరూపం మా తాత!
తాతగారి సరి ఎవరూ పోలరు
తాతిచ్చినదే మా తలరాత
తాతాబామ్మాలేని ఇంటిలో
మురిపాలతో పాటు అన్నీలోటే
అతి త్వరత్వరగా నేతాతవుతా
తాత బాటలో సాటి మేటిగా
ధీటుగా మీసం మెలేసి పయనిస్తా!!
– యల్‌.రాజాగణేష్‌, విశాఖపట్నం

తాజా ఏపి వార్తల కోసం క్లిక్‌ చేయండి:https://www.vaartha.com/andhra-pradesh/