ఒమిక్రాన్ కలవరం..30 ఏళ్లు పైబడిన అందరికీ బూస్టర్ డోసులు
బ్రిటన్ లో పెరుగుతున్న ఒమిక్రాన్ కేసులు
britain-to-give-booster-dose-for-those-who-have-30-years-and-above-age
బ్రిటన్: ఒమిక్రాన్ వేరియంట్ ప్రపంచ దేశాలను కలవరపెడుతుంది. బ్రిటన్ దేశంలో సైతం ఈ వేరియంట్ వేగంగా విస్తరిస్తోంది. ఈ నేపథ్యంలో బ్రిటన్ ప్రభుత్వం కీలక నిర్ణయం తీసుకుంది. 30 ఏళ్లు పైబడిన వారందరికీ వ్యాక్సిన్ బూస్టర్ డోస్ ఇవ్వాలని నిర్ణయించింది. బూస్టర్ డోస్ కు సంబంధించి ఈరోజు నుంచి బుకింగులు ప్రారంభం కానున్నాయి. ఇప్పటికే 40 ఏళ్లు పైబడిన వారికి బూస్టర్ డోసులను అక్కడి ప్రభుత్వం ఇచ్చింది. మరోవైపు బూస్టర్ డోసుల పట్ల ప్రజలు నిర్లక్ష్యంగా వ్యవహరించరాదని… ప్రతి ఒక్కరు కచ్చితంగా బూస్టర్ డోస్ తీసుకోవాలని సూచించింది.
మరోవైపు మన దేశంలో కూడా ఒమిక్రాన్ వేరియంట్ కేసులు నమోదవుతున్నాయి. దీంతో బూస్టర్ డోసులు ఇవ్వాలనే డిమాండ్లు మన దేశంలో కూడా వినిపిస్తున్నాయి. బూస్టర్ డోసులను పంపిణీ చేయాలని ఇప్పటికే ఏపీ, తమిళనాడు, కేరళ, మహారాష్ట్ర తదితర రాష్ట్రాలు కేంద్రానికి లేఖలు రాశాయి. అయితే బూస్టర్ డోస్ పై ఐసీఎంఆర్ కీలక ప్రకటన చేసింది. రెండో డోసు తీసుకున్న తొమ్మిది నెలల తర్వాత బూస్టర్ డోసు తీసుకోవచ్చని తెలిపింది.
తాజా తెలంగాణ వార్తల కోసం క్లిక్ చేయండి: https://www.vaartha.com/telangana/
