జై కోటక్ అదితిని పెళ్లి చేసుకున్న కళ్యాణ్ రామ్ హీరోయిన్
కళ్యాణ్ రామ్ సరసన ఇజం మూవీ లో నటించిన అదితి ఆర్య..తాజాగా పెళ్లి పీటలు ఎక్కేందుకు సిద్ధమైంది. 2015 ఫెమినా మిస్ ఇండియా టైటిల్ని గెలుచుకున్న అదితి.. బాలీవుడ్ లో పలు సినిమాల్లోనూ నటించింది. 2016లో వచ్చిన కళ్యాణ్రామ్ ఇజం.. సెవెన్, నిన్ను వదిలి నేను పోలేనులే వంటి తెలుగు సినిమాల్లోనూ నటించి ప్రేక్షకులను మెప్పించింది.
తాజాగా కోటక్ మహీంద్రా సంస్థల అధినేత ఉదయ్ కోటక్ కుమారుడు జై కోటక్.. అదితిని పెళ్లి చేసుకుంటున్నట్టుగా అధికారిక ప్రకటన ప్రకటించాడు. ‘అదితి నాకు కాబోయే భార్య.. ఈ రోజు యేల్ యూనివర్సిటీ నుంచి ఎంబీఏ పూర్తి చేసింది. నాకు చాలా గర్వంగా ఉంది’ అంటూ ఆమె గ్రాడ్యేయేషన్ డే ఫొటోలను పోస్ట్ చేశాడు. జై ప్రస్తుతం కోటక్ 811 కి వైస్ ప్రెసిడెంట్గా ఉన్నాడు. ఈ ట్వీట్ పై పలువురు ప్రముఖులు ఈ జంటకు కంగ్రాట్స్ చెప్తున్నారు.