మ‌ళ్లీ ఆస్ట్రియాలో లాక్డౌన్
austria-to-go-into-full-lockdown-as-covid-surges
వియ‌న్నా: ఆస్ట్రియాలో మ‌ళ్లీ కరోనా కేసులు పెరుగుతున్నాయి. ఈ నేప‌థ్యంలో ఆ దేశంలో మ‌రోసారి లాక్డౌన్ అమ‌లు చేయ‌నున్నారు. సోమ‌వారం నుంచి పూర్తి స్థాయిలో లాక్డౌన్ అమ‌లులోకి రానున్న‌ది. ప్ర‌స్తుతం వ్యాక్సిన్ వేసుకోని వారికి లాక్డౌన్ ఆంక్ష‌ల‌ను అమ‌లు చేస్తున్న విష‌యం తెలిసిందే. క‌నీసం ప‌ది రోజులైన సంపూర్ణ లాక్డౌన్ ఉంటుంద‌ని ఆస్ట్రియా ఛాన్స‌ల‌ర్ అలెగ్జాండ‌ర్ ష‌ల్క‌న్‌బ‌ర్గ్ తెలిపారు.
కరోనా పాజిటివ కేసులు రికార్డు స్థాయిలో న‌మోదు అవుతున్నాయ‌ని, మ‌రో వైపు వ్యాక్సినేష‌న్ త‌క్కువ స్థాయిలో ఉన్న‌ట్లు ఆయ‌న తెలిపారు. ఆస్ట్రియా త‌ర‌హాలోనే ఇత‌ర యురోపియ‌న్ దేశాలు కూడా లాక్డౌన్ అమ‌లు చేసే ఆలోచ‌న‌లో ఉన్నాయి. వ్యాక్సిన్ వేసుకోని వారి కోసం స్లోవేకియా ప్ర‌ధాని ఇడార్డ్ హేగ‌ర్ కూడా సోమ‌వారం నుంచి లాక్డౌన్ అమ‌లు చేస్తున్నారు. టీకాలు తీసుకోని వారు ఉన్న ప్ర‌దేశాల్లో ఆంక్ష‌ల‌ను అమ‌లు చేసేందుకు జ‌ర్మ‌నీ కూడా సిద్ధ‌మైంది.
తాజా బిజినెస్ వార్తల కోసం క్లిక్ చేయండి: https://www.vaartha.com/news/business/
