ఎన్టీఆర్ ఫ్యాన్స్ కు గుడ్ న్యూస్ : రీ రిలీజ్ కాబోతున్న ‘ ఆంధ్రావాలా’
ఇటీవల ఒకప్పుడు బ్లాక్ బస్టర్ హిట్స్ సాధించిన చిత్రాలు రీ రిలీజ్ అయ్యి అభిమానులను అలరిస్తున్న సంగతి తెలిసిందే. పవన్ కల్యాణ్ ‘ఖుషి’, ‘జల్సా’, మహేశ్ బాబు ‘పోకిరి’, వెంకటేశ్ ‘నారప్ప’, బాలకృష్ణ ‘చెన్నకేశవ రెడ్డి’ తదితర చిత్రాలు రీ–రిలీజ్ అయి అభిమానులను అలరించాయి. ఈ క్రమంలో ఇప్పుడు ఎన్టీఆర్ నటించిన ఆంధ్రావాలా చిత్రం ఈ నెల చివర్లో రీ రిలీజ్ చేయబోతున్నారు. డాషింగ్ డైరెక్టర్ పూరి జగన్నాథ్ దర్శకత్వంలో తెరకెక్కిన ఈ చిత్రంలో జూనియర్ ఎన్టీఆర్ నటనకు మంచి మార్కులు పడ్డాయి. ముఖ్యంగా ఎన్టీఆర్ డాన్స్ అప్పట్లో ఫిదా కానీ వారు లేరు.
భారీ అంచనాల మధ్య విడుదలైన ఈ మూవీ అనుకున్న స్థాయిలో విజయం సాధించలేకపోయింది. అయినప్పటికీ ఈ సినిమాలోని సాంగ్స్ ఇప్పటికి చాల చోట్ల మారుమోగిపోతుంటాయి. ఈ క్రమంలో ఈ సినిమాను మరోసారి అభిమానులకు అందించే ప్రయత్నం చేస్తున్నారు. ఈ నెల చివర్లో ఈ సినిమాను ప్రేక్షకుల ముందుకు తీసుకరాబోతున్నారు. ప్రస్తుతం ‘ఆర్ఆర్ఆర్’ సక్సెస్ జోష్లో ఉన్న ఎన్టీఆర్..అతి త్వరలో కొరటాల శివ డైరెక్షన్లో తన 30 వ చిత్రం చేయబోతున్నాడు. ఈ మూవీ లో ఎన్టీఆర్ కు జోడిగా జాన్వీ కపూర్ నటిస్తుంది.
