సౌదీలో ఒక్కరోజే 1,968 కొత్త కేసులు
రియాద్: సౌదీ అరేబియాలో కరోనా వైరస్ విజృంభిస్తోంది. సౌదీలో కరోనా కేసులు, మరణాలు రోజురోజుకీ పెరుగుతున్నాయి. సౌదీలో ఆదివారం ఒక్కరోజే 1,968కరోనా కేసులు నమోదయ్యాయి. మహమ్మారి కారణంగా 30 మంది మృత్యువాతపడ్డారు. కాగా.. దాదాపు 3.37కోట్ల జనాభా ఉన్న సౌదీలో ఇప్పటి వరకు 2.66లక్షల మంది కరోనా బారినపడ్డారు. ఇందులో 2.20లక్షల మంది కొవిడ్19ను జయించి, ఆస్పత్రి నుంచి డిశ్చార్జ్ అయ్యారు. ఇదే సమయంలో 2,733 మంది కరోనా కాటుకు బలయ్యారు. కరోనా తీవ్రత అత్యధికంగా ఉన్న దేశాల జాబితాలో సౌదీ అరేబియా 13వ స్థానంలో ఉంది.
తాజా కరోనా లాక్డౌన్ వార్తల కోసం క్లిక్ చేయండి:https://www.vaartha.com/corona-lock-down-updates/