బాల గేయం: సరదా .. సరదా..
పిల్లల కోసం పాట
ఆదివారం వచ్చింది
బడికి సెలవ్ఞ ఇచ్చారు
ఆలస్యంగా లేచాను
తలంటు స్నానం చేశాను
ఫలహారమ్మును తిన్నాను
స్నేహితులందరు వచ్చారు
బ్యాటు బంతి పట్టాము
మైదానానికి వెళ్లాము
క్రికెట్ ఆటను ఆడాము
తిరిగి ఇంటికి వచ్చాను
చేతులు కాళ్లు కడిగాను
అమ్మ అన్నం పెట్టింది
కోడికూర వండింది
ఎంతో రుచిగా తిన్నాను
కాస్త నిద్దుర పోయాను
నాన్న వచ్చి లేపాడు
బజారుకెళదాం అన్నాడు
బండి ఎక్కిపోయాము
షాపులు అన్ని తిరిగాము
సరదాగింటికి వచ్చాము
- ఆదిమూలం చిరంజీవి, సిద్ధిపేట
తాజా ఆంధ్రప్రదేశ్ వార్తల కోసం : https://www.vaartha.com/andhra-pradesh/