మరో ఇద్దరు భారతీయులకు బైడెన్ కీలక పదవులు
biden-administration-appoints-2-indian-origin-experts-to-key-positions
హూస్టన్‌: అమెరికా అధ్యక్షుడు జో బైడెన్.. మరో ఇద్దరు భారతీయ సంతతి నిపుణులను ప్రజాసేవలో నియమించారు. సోనాలి నిజావన్‌ను అమెరికార్ప్స్ స్టేట్ అండ్ నేషనల్ డైరెక్టర్‌గా నియమితులవగా.. 42 ఏండ్ల శ్రీ ప్రెస్టన్ కులకర్ణిని విదేశీ వ్యవహారాల చీఫ్‌గా నియమించారు. టెక్సాస్ నుంచి కాంగ్రెస్ తరఫున రెండుసార్లు విఫలమైనప్పటికీ.. కులకర్ణిని వాషింగ్టన్ నాయకత్వం గుర్తించి అత్యున్నత పదవిలో కూర్చోబెట్టింది. కులకర్ణితోపాటు సోనాలి నిజావన్, డాన్ కోహ్ల్‌ల నియామకం బైడెన్ పరిపాలన నిబద్ధతను ప్రతిబింబిస్తుంది.
నవంబర్‌లో జరిగిన ఎన్నికల్లో డెమోక్రాటిక్‌ నామినీగా టెక్సాస్ డిస్ట్రిక్ట్‌ 22 సీటుకోసం మాజీ ఫోర్ట్‌ బెండ్‌ కౌంటీ షెరీఫ్‌ ట్రాయ్‌ నెహ్ల్స్‌తో పోటీ పడి కులకర్ణి ఓటమి పాలయ్యారు. శ్రీ ప్రెస్టన్ కులకర్ణి అమెరికార్ప్స్‌కు వివిధ రకాల సేవలను, ప్రజా వ్యవహారాలను తీసుక్చొరు. విదేశాంగ శాఖలో విదేశాంగ సేవా అధికారిగా 14 సంవత్సరాలు పనిచేసిన కులకర్ణి.. అక్కడ అతను ప్రజాదౌత్యంలో నైపుణ్యం పొందాడు. ప్రజా వ్యవహారాలు, అంతర్జాతీయ సమాచార కార్యక్రమాలలో పనిచేశాడు. తైవాన్, రష్యా, ఇరాక్‌, ఇజ్రాయెల్‌, జమైకా దేశాల్లో పర్యటించాడు.
కాగా, సోనాలి నిజావన్ ఆరేండ్లపాటు స్టాక్టర్‌ సర్వీస్‌ కార్ప్స్‌ ఎగ్జిక్యూటివ్‌ డైరెక్టర్‌గా పనిచేశారు. ఈ సమయంలో దాదాపు 12 మిలియన్‌ డాలర్ల విలువ చేసే స్థానిక అవసరాలు తీర్చడంలో కృషిచేశారు. విద్యాశాఖలో కూడా విశేష అనుభవం గడించారు. తనను కలుసుకున్న విద్యార్థులు, కుటుంబాలు, అమెరికార్ప్స్ కమ్యూనిటీ నుండి ప్రేరణ పొందిన ఆమె.. సిటీ ఇయర్ శాక్రమెంటోను కనుగొనడంలో సహాయపడింది. 50 కొత్త అమెరికార్ప్స్ సభ్యులతో సంస్థ యొక్క 22 వ సైట్ను ప్రారంభించింది.
తాజా జాతీయ వార్తల కోసం క్లిక్‌ చేయండి: https://www.vaartha.com/news/national/
