ఏపిలో మరో 67 మందికి కరోనా పాజిటివ్‌

1717 కు చేరిన కరోనా భాధితుల సంఖ్య

అమరావతి: ఏపిలో కరోనా విజృంభన తగ్గడం లేదు, రోజురోజుకు కేసుల సంఖ్య మరింతగా పెరిగిపోతుంది. గత 24 గంటలలో 8,263 మంది శాంపిల్స్‌ను పరీక్షించగా అందులో 67 మందికి కరోనా పాజిటివ్‌ అని నిర్ధారణ అయింది. దీనితో ఏపిలో కరోనా కేసుల సంఖ్య 1717 కు చేరుకుందని ఏపి వైద్య ఆరోగ్య శాఖ వెల్లడించింది. కొత్తగా నమోదు అయిన కేసులలో కర్నూలు జిల్లాలో 25, గుంటూరు జిల్లాలో 13, కడప జిల్లాలో 2, అనంతపురం జిల్లాలో 2, కృష్ణా జిల్లాలో 8, నెల్లూరు జిల్లాలో 1, విశాఖ పట్నం జిల్లాలో 2 కేసులు నమోదు అయ్యాయి. వీటితో పాటు రాష్ట్రంలో చిక్కుకున్న గుజరాత్‌ వాసుల్లో మరో 14 మందికి కరోనా పాజిటివ్‌ వచ్చిందని తెలిపారు. కాగా ఇప్పటి వరకు రాష్ట్రంలో కరోనా భారిన పడి 34 మంది మరణించగా.. 589 మంది కోలుకుని డిశ్చార్జ్‌ అయ్యారు. మరో 1094 మంది ఆసుపత్రుల్లో చికిత్స పొందుతున్నారు.

రాష్ట్రంలో గత 24 గంటల్లో 8,263 సాంపిల్స్ ని పరీక్షించగా 67 మంది కోవిడ్19 పాజిటివ్ గా నిర్దారింపబడ్డారు.
రాష్ట్రం లోని నమోదైన మొత్తం 1717 పాజిటివ్ కేసు లకు గాను 589 మంది డిశ్చార్జ్ కాగా, 34 మంది మరణించారు. ప్రస్తుతం చికిత్స పొందుతున్నవారి సంఖ్య 1094.#APFightsCorona #COVID19 pic.twitter.com/mzlRyadRzZ

— ArogyaAndhra (@ArogyaAndhra) May 5, 2020

తాజా అంతర్జాతీయ వార్తల కోసం క్లిక్‌ చేయండి: https://www.vaartha.com/news/international-news/