దాసరి విడుదల చేసిన లక్ష్మీబాంబ్‌ ఆడియో!

Lakshmi Bomb audio release
Lakshmi Bomb audio release

దాసరి విడుదల చేసిన లక్ష్మీబాంబ్‌ ఆడియో!

మంచు లక్ష్మీ ప్రసన్న టైటిల్‌పాత్రలో గునపాటి సురేష్‌ రెడ్డి సమర్పణలో ఉద్భవ్‌ ప్రొడక్షన్స్‌ బ్యానర్‌పై కార్తికేయ గోపాలకష్ణ దర్శకత్వంలో వేళ్ల మౌనిక చంద్రశేఖర్‌, ఉమాలక్ష్మీనరసింహ నిర్మాతలుగా రూపొందుతోన్న చిత్రం లక్ష్మీబాంబ్‌. సునీల్‌ కశ్యప్‌ సంగీతం అందించిన ఈ సినిమా ఆడియో విడుదల కార్యక్రమం శుక్రవారం హైదరాబాద్‌ జె.ఆర్‌.సి.కన్వెన్షన్‌ సెంటర్‌ లో జరిగింది. ఆడియో సీడీలను దర్శకరత్న డా.దాసరినారాయణరావు విడుదల చేసి తొలి సీడీని డా.మోహన్‌ బాబుకు అందించారు.
ఈ సందర్భంగా….దర్శకరత్న డా.దాసరి నారాయణరావు మాట్లాడుతూ.. లక్ష్మి తప్ప నాకు ఈ సినిమా గురించి నాకు ముందు ఏమీ తెలియదు. కానీ సినిమాలోని పాటలు చూసిన తర్వాత, టీం చాలా మంచి సినిమా తీయడానికి, సక్సెస్‌ ఫుల్‌ సినిమా తీసిన ప్రయత్నం చేశారని నా సిక్త్‌ సెన్స్‌ చెబుతుంది. దర్శకుడు కార్తికేయలో మంచి స్పిరిట్‌ ఉన్న కుర్రాడు. ట్రైలర్‌ చూస్తుంటే లక్ష్మి గెటప్‌, మ్యూజిక్‌ విషయంలో దర్శకుడు తీసుకున్న కషి తెలుసు. సునీల్‌ చాలా మంచి సంగీతాన్ని అందించాడు. లక్ష్మి నా బిడ్డ. చిన్నప్పట్నుంచి లక్ష్మి గురించి తెలుసు. స్పాంటేనియస్‌ నటి. హాలీవుడ్‌ లో యాక్ట్‌ చేసింది. నటిగానే కాదు, అన్నీ యాక్టివిటీస్‌ లో ముందుంది. ఈ సినిమా ట్రైలర్‌ చూసి లక్ష్మితో రాములమ్మ తరహాలో సినిమా చేయాలనిపించింది. లక్ష్మీబాంబ్‌ ను దీపావళికి పేల్చబోతున్నారు అన్నారు. డా.మోహన్‌ బాబు మాట్లాడుతూ.. మురళి నా వద్ద వర్క్‌ చేశాడు. దర్శక నిర్మాతలు నా వద్దకు వచ్చి ఈ సినిమా చేస్తున్నట్లు చెప్పారు. లక్ష్మి ఒప్పుకుంటే నాకేం అభ్యంతరం లేదని చెప్పాను. సినిమా రంగంలో పెద్ద చిన్న వారెవరూ లేరు. స్వర్గం-నరకం చేసేరోజున నేను కూడా చిన్నవాడినే. ఈరోజు చిన్నవారే రేపు మంచి స్థాయికి ఎదుగుతారు. అలాగే దర్శకుడు కార్తికేయ పెద్ద దర్శకుడు అవుతాడు. దర్శక నిర్మాతలకు అభినందనలు. సునీల్‌ కశ్యప్‌ చాలా మంచి మ్యూజిక్‌ ను అందించారు. సినిమాలో సాంగ్స్‌, ట్రైలర్‌ అన్నీ బావున్నాయి. గుండెల్లో గోదారి సినిమాలో లక్ష్మీ చక్కగా యాక్ట్‌ చేసింది. ఆ సినిమా కంటే ఈ సినిమాలో లక్ష్మి ఇంకా అద్భుతంగా నటించింది. మా అమ్మాయేనా ఇంత బాగా నటించిందనిపించింది అన్నారు. లక్ష్మీ మంచు మాట్లాడుతూ.. ఈ సినిమా నాకు చాలా స్పెషల్‌ చిత్రం. లక్ష్మీబాంబ్‌ని ఈ టీమ్‌ చాలా కష్టపడి చేసింది. కొత్తవాళ్లు కదా అని అనుకున్నాను కానీ నాకు చెప్పినట్టు సింగిల్‌ షెడ్యూల్లో చిత్రాన్ని పూర్తి చేశారు. కథను డార్లింగ్‌ స్వామి చాలా బాగా నెరేట్‌ చేశారు. వినగానే ఓకే చెప్పేశాను. సినిమాను ఎక్కడా కాంప్రమైజ్‌ కాకుండా తెరకెక్కించారు. ఈ చిత్రంలో నేను చాలా బాగా డ్యాన్సులు చేశాను. చాలా షేడ్స్‌ ఉన్న కేరక్టర్‌ చేశాను.
దర్శకుడికి, నిర్మాతలు ఎక్కడా కాంప్రమైజ్‌ కాకుండా తెరకెక్కించారు. ఈ సినిమా చక్కగా సాఫీగా జరగడానికి ఈ చిత్ర కో డైరక్టర్‌ కూడా కారణం. ఆయనకు ధన్యవాదాలు అని చెప్పారు. సంగీత దర్శకుడు సునీల్‌ కశ్యప్‌ మాట్లాడుతూ.. ఇందులోని చిట్టితల్లి అనే పాటను మోహన్‌బాబుగారిని, మంచు లక్ష్మిని దృష్టిలో పెట్టుకునే చేశాను” అని అన్నారు. చిత్ర దర్శకుడు కార్తికేయ గోపాలకష్ణ మాట్లాడుతూ.. మంచి wస్కిప్ట్‌ ను స్వామిగారు ఇవ్వడంతో ఓ మంచి సినిమాను తీయగలిగాం. సునీల్‌ డిఫరెంట్‌ సిచ్యువేషన్‌ సాంగ్స్‌ ను అందించారు. సినిమా చాలా బాగా వచ్చింది. నిర్మాతలు పూర్తి సహకారంతోనే సినిమాను పూర్తి చేయగలిగాను. లక్ష్మిగారు నన్ను భరించారు. జోషిగారు, కిరణ్‌ మాస్టర్‌, హరి సహా అందరూ బాగా సపోర్ట్‌ చేశారు. దీపావళి ముందుగా ప్రేక్షకుల ముందుకు రానున్నాం. క్లైమాక్స్‌ సీన్‌, సాంగ్‌ చాలా బాగా వచ్చింది అన్నారు.