ఏది ప్లాన్‌ చేయలేదు: సూర్య!

SURYA
SURYA

ఏది ప్లాన్‌ చేయలేదు: సూర్య!

తమిళ స్టార్‌ హీరో సూర్యకు తమిళనాట ఎంత క్రేజ్‌ ఉందొ.. తెలుగులో కూడా అంతే క్రేజ్‌ ఉంది. హరి దర్శకత్వంలో సూర్య వరుస చిత్రాల్లో నటిస్తున్నారు. అందులో భాగంగా వచ్చిన సింగం రెండు సిరీస్‌ మంచి విజయాలను దక్కించుకున్నాయి. ఇప్పుడు ఆ ఫ్రాంచైజీలో భాగంగా వస్తోన్న సింగం 3 సినిమా ఫిబ్రవరి 9న విడుదలకు సిద్ధంగా ఉంది. ఈ సంధర్భంగా హీరో సూర్యతో స్పెషల్‌ ఇంటర్వ్యూ..

 

వాయిదాల మీద వాయిదాలు పడుతూ ఇప్పుడు రిలీజ్‌ అవుతోంది. ఆ ప్రభావం రిజల్ట్‌ మీద పడే అవకాశాలు ఉన్నాయా..?

కావాలని మేము పోస్ట్‌ పోన్‌ చేయలేదు. కొన్ని అనుకోని సంఘటనల కారణంగా వాయిదా వేయాల్సి వచ్చింది. కంటెంట్‌ ఉంటే సినిమా ఎప్పుడు రిలీజ్‌ చేసిన ప్రేక్షకులు చూస్తారు. వారు కూడా మా సినిమా పట్ల ఎంతో గౌరవంతో, ప్రేమతో ఎదురుచూస్తున్నారు. ఫైనల్‌ గా ఫిబ్రవరి 9న విడుదల చేయబోతున్నాం. గత రెండు చిత్రాల్లాన్నే ఈ సినిమా కూడా ప్రేక్షకులకు నచ్చుతుందని ఆశిస్తున్నాను.

జల్లికట్టు సమయంలో మీరు కావాలని సినిమా ప్రమోషన్‌ కోసమే దానికి సపోర్ట్‌ చేస్తున్నారనే మాటలు వినిపించాయి. ఆ టైమ్‌ లో మీ రియాక్షన్‌ ఏంటి..?
నా వంతు బాధ్యతగా నేను జల్లికట్టుకి సపోర్ట్‌ చేశాను. నా సినిమా ఉన్నా.. లేకపోయినా.. నేను ఖచ్చితంగా సపోర్ట్‌ చేసే తీరతాను. నా మొహానికి మాస్క్‌ వేసుకొని సపోర్ట్‌ చేయడం కుదరదు కదా!

సింగం సిరీస్‌ వరుసగా చేస్తున్నారు. ఈ కథ ఒప్పుకోవడానికి మిమ్మల్ని ఎగ్జైట్‌ చేసిన పాయింట్‌ ఏంటి..?
ఏ.డి.ఎస్‌.పి.ఆనంద్‌ గారు 22 ఏళ్ల వయసులో పోలీస్‌ ఆఫీసర్‌ గా తన ప్రయాణాన్ని కొనసాగించారు. ఆయన చేసిన సేవలకు గాను ప్రెసిడెంట్‌ అవార్డ్‌ కూడా తీసుకున్నారు. ఆయన లైఫ్‌ లో జరిగిన కొన్ని సంఘటనల స్ఫూర్తిగా హరి గారు ఈ కథ రాసుకున్నారు. నాకు కథ బాగా నచ్చింది. ఇండియన్‌ పోలీస్‌ వేరే దేశంలో ఉన్న నేరస్తుడి కారణంగా ఇండియాలో జరుగుతున్న అన్యాయాన్ని అరికట్టడానికి నేరస్థుడు ఉండే చోటుకే వెళ్ళి ఎలా సమస్యను పరిష్కరించాడనేదే కథ.

పోలీస్‌ ఆఫీసర్స్‌ ఎవరైనా మీ సినిమా చూసారా..?
ఆనంద్‌ గారు చూసి చాలా ఎగ్జైట్‌ అయ్యారు. అలానే చాలా మంది ట్రైనింగ్‌ తీసుకునే పోలీస్‌ ఆఫీసర్స్‌ కు సింగం, సింగం 2 సినిమాలు చూపించి రియల్‌ పోలీస్‌ ఆఫీసర్‌ ఇలా ఉండాలి.. ఇంత నిజాయితీగా పని చేయాలని చెబుతున్నారు.
గత రెండు చిత్రాలకు దేవిశ్రీప్రసాద్‌ మ్యూజిక్‌ అందించారు. ఈ సినిమాకు మాత్రం వేరే ఆప్షన్‌ కు వెళ్లడానికి కారణం..?
ఫ్రెష్‌ ఫీలింగ్‌ రావాలనే ఉద్దేశంతోనే దేవి గారికి బదులుగా హారీస్‌ జయరాజ్‌ ను తీసుకున్నాం. దేవి గారు కూడా పెద్ద మనసుతో ఒప్పుకున్నారు.

ఈ ఫ్రాంచైజీలో మరిన్ని సినిమాలు ఆశించొచ్చా..?
నిజం చెప్పాలంటే యముడు సినిమా చేసేప్పుడు డానికి కంటిన్యూగా మరో సినిమా చేస్తామనుకోలేదు. సింగం 2 చేసినప్పుడు సింగం 3 ఉంటుందని అనుకోలేదు. ఏది ప్లాన్‌ చేసి చేయలేదు.. హరి గారికి wస్కిప్ట్‌ పట్ల ఉన్న నమ్మకం, సినిమా పట్ల ప్రేక్షకులకు ఉన్న అభిమానం కారణంగా ఇప్పటివరకు సినిమాలు చేయగలిగాం.

ఓ ఫంక్షన్‌ లో మీరు ఈ కథ ఎన్టీఆర్‌, ఎం.జి.ఆర్‌ టైమ్‌ లో జరిగిందని చెప్పారు. నిజమేనా..?
డెబ్బై, ఎనభైలలో నాకు సరిగ్గా గుర్తులేదు.. ఎన్టీఆర్‌ గారు ముఖ్యమంత్రిగా బాధ్యతలు తీసుకున్నప్పుడు పోలీస్‌ ఫోర్స్‌ ఎక్కువ ఉండాలని ఇక్కడ పోలీసులకు సపోర్ట్‌ చేసే విధంగా ఎం.జి.ఆర్‌ గారు కొంత మంది పోలీస్‌ ఫోర్స్‌ ను ఇక్కడకి రప్పించారు. దాని నుండి కొంత స్ఫూర్తిగా తీసుకొని సినిమా చేశాం.

మీ రఫ్‌ లుక్‌ గడ్డం ఈ పాత్ర కోసమే మైంటైన్‌ చేసినట్లు ఉన్నారు..?
తమిళనాడుకి సౌత్‌ లో కొన్ని ప్రాంతాలు ఉంటాయి. అక్కడ అందరూ గడ్డం ఇలానే పెంచుకుంటారు. బస్‌ డ్రైవర్స్‌ నుండి పాలు అమ్మే వారి వరకు గడ్డం లుక్‌ ఇలానే ఉంటుంది. నేను చేసిన యముడు సినిమా గనుక తీసుకుంటే అందులో నేను రూరల్‌ ఏరియాకు చెందిన పోలీస్‌ గానే కనిపిస్తాను. అక్కడ నుండి ఇంక ఇదే లుక్‌ ను మైంటైన్‌ చేయాలనుకున్నాం.

ఒకే డైరెక్టర్‌ తో వరుస సినిమాలు చేయడం ఎలా అనిపిస్తుంది..?
హరి గారు సిన్సియర్‌, డౌన్‌ టు ఎర్త్‌ పెర్సన్‌. హీరో డేట్స్‌ ఇచ్చి సినిమా చేయమని అడిగినా.. పూర్తి wస్కిప్ట్‌ రెడీ చేసుకొని తనకు తృప్తిగా అనిపించిన తరువాతే సినిమా చేస్తాడు. మధ్యలో సమయం దిరికితే కథను ఇంకా ఎలా డెవలప్‌ చేయాలనే ఆలోచిస్తారు. సాధారణంగా ఓ రోజులో ముప్పై షాట్స్‌ వరకు తీయొచ్చు కానీ హరి గారు తొంబై షాట్స్‌ తీయగలరు. మూడు సినిమాలకు చేసినంత వర్క్‌ ఈ సినిమాకు చేశారు. అయినా.. 120 రోజుల్లో ఈ సినిమాను పూర్తి చేశారు. 200 లొకేషన్స్‌ ఓ సినిమాను చిత్రీకరించారు.
దోశలు వేసినట్లు ఉన్నారు. ట్విట్టర్‌ లో పోస్ట్‌ పెట్టారు..?
నవ్వుతూ.. నేనెప్పుడు ఖాళీగా ఉన్నా.. ఏదిక వంట చేయడానికి ప్రయత్నిస్తూ ఉంటాను. ఆమ్లెట్‌ కానీ, దొశ కానీ ఇలా ఏదికటి.

జ్యోతిక గారు బైక్‌ నేర్చేసుకున్నారా..?
తనకు బైక్‌ వచ్చు కానీ ఉత్తరప్రదేశ్‌, ఆగ్రా వంటి ప్రాంతాల్లో బైక్‌ నడపాల్సిఉంటుందని ఇంకొంచెం ఎక్కువ ప్రాక్టీస్‌ చేసింది. మగలిర్‌ మట్టం సినిమాలో ఊర్వశి గారిని వెనుక కూర్చొబెట్టుకొని బైక్‌ డ్రైవ్‌ చేయాల్సివుంది. నెలరోజుల్లో నేర్చేసుకుంది. ఆ సినిమాను తెలుగులో కూడా డబ్‌ చేయాలనుకుంటున్నాం. అలానే జ్యోతిక నటించిన 36 వయధినిలే సినిమా కూడా తెలుగులో డబ్‌ చేసి రిలీజ్‌ చేయడానికి ప్లాన్‌ చేస్తున్నాం.

తెలుగులో wస్టెయిట్‌ సినిమా ఎప్పుడు ఉంటుంది..?
నేను ఎప్పుడు సిద్ధమే.. ఆ ప్రశ్న ఇక్కడ దర్శకులను అడగాలి.

జ్యోతిక గారితో కలిసి సినిమా ఎప్పుడు చేస్తున్నారు..?
గతేడాది చేయాల్సివుంది కానీ జరగలేదు. తను మళ్ళీ సినిమాలకు గుడ్‌ బై చెప్పే లోపు ఖచ్చితంగా సినిమా చేస్తాను.

విజ్ఞేష్‌ శివన్‌ సినిమా స్టేటస్‌ ఏంటి..?
యంగ్‌ డైరెక్టర్స్‌ కు ఛాన్స్‌ ఇస్తే మంచి రిజల్ట్స్‌ వస్తాయి. రీసెంట్‌ గా రజినీకాంత్‌ గారు కూడా ఓ యంగ్‌ డైరెక్టర్‌ తో సినిమా చేశారు. నాకు విజ్ఞేష్‌ డైలాగ్స్‌ బాగా నచ్చాయి. సినిమా ప్రాసెస్‌ లోనే ఉంది.