ఆరోగ్య పరిరక్షణలో దంతాల ప్రాముఖ్యత

Dental Care
Dental Care

ఆరోగ్య పరిరక్షణలో దంతాల ప్రాముఖ్యత

దంతాలకు సాధారణ శారీరక ఆరోగ్యానికి అవినా భావ సంబంధం ఉంది. మనం తీసుకునే ఆహారం జీర్ణం కావడమనే ప్రక్రియ ఆహారాన్ని నమలడం దగ్గరనుంచి ఆరంభమవుతుంది. అప్పుడే శరీరానికి అవసరమైన పోషకాలు సక్రమంగా అందుతాయి. దంతాలు దృఢంగా, పటిష్టంగా ఉంటేనే మనం ఆహారం తీసుకోగలుగుతాము.

అన్ని రకాల ఆహార పదార్థాలను తినగలుగుతాము. ఎంతటి రుచికర మైన ఆహారం ఎదురుగా ఉన్నా, దంతాలు సహక రించకపోతే మాత్రం దానిని మనం తృప్తిగా భుజిం చలేము. ఆస్వాదించలేము. ఆహారాన్ని తీసుకోలేక పోతే శరీరం నీరసి స్తుంది. తద్వారా ఆరోగ్యం దెబ్బ తింటుంది. శరీరం నీరసించడం మొదలైతే వ్యాధి నిరోధక శక్తి సన్నగిల్లుతుంది.

తరువాత అనేక రకాల రుగ్మతలు శరీరం మీద దాడి చేస్తాయి. కనుక ఆరోగ్యాన్ని పరిరక్షించుకోవాలంటే సరైన పౌష్టికాహారం తీసుకోవాలి. ఇలా ఆహారం తీసుకోవా లంటే దంతాలు పటిష్టంగా ఉండాలి. అంటే సమస్య ఎటు తిరిగీ దంతాల దగ్గరకే చేరుతుంది. అందుకే దంతాల ఆరోగ్యాన్ని సంరక్షించుకోవడం అత్యవసరం. ఒక అధ్యయనంలో శారీరకంగా శుష్కించిన ఒక వృద్ధురాలిని ఆమె తీసుకునే ఆహారం గురించి ప్రశ్నించినప్పుడు ఆసక్తికరమైన సమాధానం లభిం చింది.

ఆమెకు నాలుగే దంతాలు ఉన్నాయి. అవి కూడా పుచ్చిపోయి తీసి వేయాల్సిన స్థితిలో ఉన్న దంతాలు. ఆ దంతాలతోటే నమలడానికి ప్రయత్నిస్తూ, ఆహారాన్ని సరిగ్గా నమలకుండానే మింగుతున్నా నని ఆమె చెప్పింది. ఫలితంగా ఆమె తీసుకో గలిగినంత ఆహారాన్ని తీసుకోకుండానే భోజనాన్ని ముగి స్తున్నది. అంటే దంతాలు సక్రమంగా లేనందున తగినంత ఆహారాన్ని భుజించకుండా అర్ధాకలితో భోజనాన్ని ముగించాల్సి వస్తుంది. దంతక్షయంతో బాధపడుతున్న వారు సరైన ఆహారం తీసుకోలేరు. తమకు అవకాశం ఉన్నప్పటికీ శరీరానికి పుష్టినిచ్చే యాపిల్‌ వంటి ఫలాలను తిన లేరు.

ఫలితంగా శరీరం నీరసించి, నెమ్మ దిగా వ్యాధి నిరోధక శక్తి సన్నగిల్లడం ఆరంభమవు తుంది. ఇది పలు వ్యాధులు శరీరంపై దాడి చేయ డానికి ఆస్కారం కల్పిస్తుంది. దంతక్షయంతో బాధ పడుతున్న వ్యక్తులు నిర్లక్ష్యం చేయకుండా ఆ సమస్యకు సరైన చికిత్స తీసుకోవాలి. కొంతమందికి పై వరుసలో, కింది వరుసలో కొన్ని దంతాలు ఉం డవు.

దీనికి పిప్పి పళ్లను తీయించుకోవడం కారణం కావచ్చు. లేదా దంతాలు బలం కోల్పోయి నెమ్మ దిగా కదిలి ఊడిపోవడం కారణం కావచ్చు. అప్పుడు అక్కడ ఖాళీలు ఏర్పడుతాయి. అయితే ఆ ఖాళీలను పలువురు అలక్ష్యం చేస్తారు. ఆహారం తీసుకుంటున్నప్పుడు ఆ ఖాళీలలో ఆహారపు తునకలు ఇరుక్కుపోతున్నా కూడా పెద్దగా పట్టించుకోరు.

అయితే రోజులు గడిచేకొద్దీ ఆ ఖాళీలకు పక్క నున్న దంతాలు ఆ ఖాళీలలోకి ఒరిగి పోయి, మరింత ఇబ్బందికి గురి చేస్తాయి. దంతాల మధ్య ఖాళీలు ఏర్పడితే వెంటనే దంత వైద్యుడిని సంప్ర దించాలి. దీనికి ఏ రకమైన చికిత్స రోగికి ఉప యుక్తంగా ఉంటుందనే విషయాన్ని పరిశీలించి కేపింగ్‌ లేదా బ్రిడ్జి పద్ధతుల్లో కాని లేదా శాశ్వత కృత్రిమ దంతాలను అమర్చడం ద్వారా కాని చికిత్స చేస్తారు. శరీరంలోని ఏ అవయవానికి ఏ మాత్రం అసౌకర్యం కలిగినా అశ్రద్ధ పనికిరాదు.

ఒకవేళ అశ్రద్ధ చేస్తే అది మరిన్ని అనారోగ్యాలకు దారి తీస్తుంది. ముఖ్యంగా దంతాల విషయంలో అశ్రద్ధ ఏమాత్రం పనికిరాదు. దంతాలు ఆరోగ్యంగా ఉంటేనే మనం ఆరోగ్యంగా ఉంటాము. దంతక్షయం తో బాధపడు తుంటే ఇతర రుగ్మతలకు గురయ్యే అవకాశాలు ఉంటాయని గుర్తుంచుకోవాలి.