| చుక్కలాంటి అమ్మాయి చక్కనైన అబ్బాయి |
| మంగళ వారం, జనవరి 05, 2010 , 4:29 [IST] |
 |
|
 తరుణ్, విమలా రామన్ జంటగా కన్మణి దర్శకత్వంలో సుప్రీమ్ మూవీస్, ప్రణవ్ స్టూడియోస్ సంయుక్తంగా నిర్మిస్తున్న 'చుక్కలాంటి అమ్మాయి చక్కనైన అబ్బాయి చిత్రం పూర్తయింది. ఈ చిత్రం చిత్రణ పూర్తయింది. ఈ సందర్భంగా నిర్మాతలు రాజ్కుమార్ హర్వాణి, గోగినేని శ్రీనివాస్ మాట్లాడుతూ 'సాప్ట్వేర్ నేపథ్యంలో సాగే ప్రేమకథా చిత్రం ఇది. కామెడీ ప్రధానంగా ఉంటుంది. ప్రస్తుతం పోస్ట్ ప్రొడక్షన్ జరుపుకుంటోంది.అనూప్ రూబెన్స్ అందించిన సంగీతం ప్రేక్షకులను విశేషంగా ఆకట్టుకుంటుంది. ఈ చిత్రానికి 'చుక్కలాంటి అమ్మాయి చక్కనైన అబ్బాయి అనే టైటిల్ యాప్ట్గా ఉంటుంది. బ్యాంకాక్లో చిత్రీకరించిన సన్నివేశాలు ప్రేక్షకులను అలరిస్తాయి అని అన్నారు.
దర్శకుడు కన్మణి మాట్లాడుతూ 'వైవిధ్యమైన స్క్రీన్ప్లేతో రూపొందిన ఈ చిత్రం అన్ని వర్గాల ప్రేక్షకులనూ ఆకట్టుకుంటుంది. తరుణ్, విమలా రామన్ బాగా నటించారు అని చెప్పారు. ఈ చిత్రానికి కెమెరా: వాసు, మాటలు: గంగోత్రి విశ్వనాథ్, నిర్మాతలు: రాజ్కుమార్ హర్వాణి, గోగినేని శ్రీనివాస్, స్క్రీన్ప్లే, దర్శకత్వం: కన్మణి.
|
|
|
|
|
|
|
