| సిరీస్ గెలుపు ముంగిట ఆసీస్ |
| ఆది వారం, డిసెంబర్ 20, 2009 , 1:39 [IST] |
 |
|
 పెర్త్, డిసెంబర్ 19 : సొంతగడ్డపై, వెస్టిండీస్తో జరగుతున్న టెస్ట్ సీరిస్ను ఆసీస్ 2-0తో కైవసం చేసుకోనుంది. నవంబర్ 26న ప్రారంభమైన సిరీస్లో భాగంగా బ్రిస్బ్యాన్లో జరిగిన తొలి టెస్ట్లో ఇన్నింగ్స్ 65 పరుగుల తేడాతో విండీస్ను ఓడించింది. ఆల్రౌండ్ ప్రతిభను కనబర్చిన ఆసీస్ ఆదే జోరును కొనసాగించి రెండో మ్యాచ్ను డ్రాగా ముగించి 1-0 ఆధిక్యాన్ని సాధించింది. గెలుపు ధీమాతో ఉన్న ఆసీస్ ఈ నెల 16న పెర్త్లో ప్రారంభమైన మూడో మ్యాచ్ తొలి ఇన్నింగ్స్లో బ్యాట్స్మెన్ వాట్సన్ (89), కటిచ్ (99), హస్సీ (82), హడిన్ (88), నార్త్ (68)లు రాణించడంతో 7 వికెట్లు కోల్పోయి 520 పరుగులు సాధించింది.
దఢమైన బౌలింగ్ కలిగి ఉన్న ఆసీస్ ఇన్నింగ్స్ను డిక్లేర్ చేసింది. భారీ స్కోరును ఛేదించేందుకు బ్యాటింగ్ ప్రారంభించిన విండీస్కు ఓపెనర్లు గేల్ (102), డౌలిన్ (55), శర్వాన్ (42), నాష్ (44)ల జోరుతో తొలి ఇన్నింగ్స్లో ఆసీస్కు ధాటిగా సమాదానం ఇచ్చింది. 312 పరుగులు చేసింది.అప్పటికే 208 పరుగుల లీడ్తో బ్యాటింగ్కు దిగిన ఆస్ట్రేలియా మూడో రోజు ఆట ముగిసే సమయానికి 8 వికెట్లు కోల్పోయి 137 పరుగులు చేసింది. నాలుగో రోజు మరో 13 పరుగులు మాత్రమే జతచేసి ఆలౌట్ అయింది. అనంతరం రెండో ఇన్నింగ్స్ ప్రారంభించిన విండీస్ డునేరియా (82), నాష్ (65) మినహా బ్యాట్స్మెన్ అందరూ విఫలమవ్వడంతో నాలుగో రోజు ఆట ముగిసే సమయానికి 9 వికెట్లు కోల్పోయి 308 పరుగులు చేసింది.
నాలుగో రోజు ఆసీస్ బౌలర్లు బోలింగర్ 2 వికెట్లు పడగొట్టగా జాన్సన్ 3, వాట్సన్ 2 వికెట్లు తీసుకున్నారు. మెక్ కీ, హౌరిట్జ్లు చెరో వికెట్ పడగొట్టడంతో వెస్టిండిస్ 9 వికెట్లు కోల్పోయింది.అయితే విండీస్కు విజయం దక్కాలంటే 51 పరుగులు చేయాల్సిఉండగా, ఆసీస్కు సిరీస్ విజయం 1 వికెట్ దూరలో ఉంది.
|
|
|
|
|
|
|
