రాష్ట్రంలో విద్యార్థుల పాలిట కొత్త తరహా విష సంస్కృతి ప్రబలసాగింది. విద్యార్థులకు కంప్యూట ర్లపై వుండే మక్కువను సాధనంగా చేసుకుని కొందరు వ్యాపారులు ఇటీవల ప్రారంభించిన గేమింగ్‌ సెంటర్స్‌ రాష్ట్రంలోని అన్ని ప్రధాన నగరాలలో మూడు పువ్వులు ఆరు కాయలుగా విరాజిల్లుతోంది. కొన్ని కంప్యూటర్లు, కొద్ది మంది సిబ్బందితో ఏర్పాటు చేస్తున్న ఈ గేమింగ్‌ కేంద్రాలలో నిత్యం వేల సంఖ్యలో విద్యార్థులు తమ చదువులను సైతం మరచిపోయి కంప్యూటర్ల తో ఆటలాడుతూ వుండిపోతున్నారంటే వీటికున్న ప్రత్యేకతను ఊహించుకోవచ్చు. కంప్యూటర్లలో పలురకాల వీడియో ఆటలను వుంచి వాటిచే యువతను గంటల తరబడి గేమింగ్‌ కేంద్రాలకే పరిమితం చేయడంలో వీటి నిర్వాహకులు సఫలీకృతులవడం ఎంతో మంది విద్యార్థుల నిండు జీవితాలను పాడు చేస్తున్నాయని మేధావులు ఆందోళన చెందుతున్నారు.

ఏడాది క్రితం వరకు హైదరాబాద్‌లోని కేవలం కొన్ని ప్రాంతాలకే పరిమితమైన గేమింగ్‌ కేంద్రాలు నేడు రాష్ట్రం నలుమూలలా పుట్ట గొడుగుల్లా వెలియడం గమనార్హం. హైదరాబాద్‌ వరకు తీసుకుంటే ఈ కేం ద్రాలు వేల సంఖ్యలో వుండడం విశేషం. ఉదయం ఎనిమిది గంటల నుంచి అర్థరాత్రి దాటే వరకు ఈ కేంద్రాలు పనిచేస్తాయి. పాఠశాలలు, కళాశాలలు, ఇతర విద్యాసంస్థలకు పక్కన లేదా అతి సమీపం లోనే ఈ కేంద్రాలు వుండడం చెప్పుకోదగ్గ అంశం. చదువుకునేందుకు వెళ్లే విద్యార్థులను గేమింగ్‌ కేం ద్రాల నిర్వాహకులు ఒక పద్దతి ప్రకారం ఆకర్షిస్తుం టారు. కొత్తగా ఏర్పాటయ్యే కేంద్రాల్లో మొదట కొన్ని రోజులపాటు విద్యార్థులకు ఉచితంగా ప్రవేశం కల్పించడం లేదా రాయితీలు ఇవ్వడం ద్వారా ఎక్కువ మందిని ఆకర్షిస్తుంటారు. దీని తరువాత ఎక్కువ మంది విద్యార్థులు చేరగానే గంటకు పది రూపాయల నుంచి 30 రూపాయల వరకు రేటును నిర్ణయిస్తారు. ఒకసారి ఈ గేమింగ్‌ కేంద్రాలకు వెళుతున్న విద్యార్థులు వాటిని వదలలేక పోతున్నా రంటే ఇది వారిపై ఎంతటి వ్యసనంలా పనిచేస్తుందో అర్థం చేసుకోవచ్చు.

గేమింగ్‌ కేంద్రాలలో బెట్టింగ్‌లు
ఇదిలావుండగా గేమింగ్‌ కేంద్రాలలో మొదట చిన్నా చితక ఆటలకే పరిమితమవుతున్న విద్యార్థులు కొద్ది రోజులు గడిచాక బెట్టింగ్‌ల వరకు వెళుతున్నారు. ఒకసారి బెట్టింగ్‌ వెళ్లే విద్యార్థులు ఎంత డబ్బులైనా వెచ్చించేందుకు వెనుకాడక పోవడం మరో విశేషం. ఇందుకోసం విద్యార్థులు మొదట తమ చదువులకు రాం రాం చెబుతు న్నారు. పాఠశాలలు, కళాశాలకు ఎగనామం పెడుతున్నారు. దీంతోపాటు తమ తల్లిదండ్రుల వద్ద నుంచి విద్యాభ్యాసం, ట్యూషన్ల పేరు చెబుతూ వందలాది రూపాయలను తీసుకుంటున్నారు. తమ పిల్లలు బాగా చదువుకుంటున్నారనే భావనతో చాలా మంది తల్లిదండ్రులు తమ పిల్లలు కోరినంత డబ్బులు ఇస్తూ పోతున్నారు. కానీ తమ పిల్లలు గేమింగ్‌ కేంద్రాలలో బెట్టింగ్‌లకు పాల్పడుతూ, వ్యసనపరులుగా మారుతున్నారని తెలుసుకునే సరికే పరిస్థితి చేయిదాటిపోతోంది. ఇలా గేమింగ్‌ కేంద్రాలలో కాలం వెళ్లదీస్తున్న విద్యార్థులు చదు వుల్లో గుండుసున్నా కొడుతూ తమ తల్లిదండ్రుల కలలను కల్లలు చేయడంతోపాటు తమ జీవి తాలను సైతం నాశనం చేసుకుంటున్నారు.

విద్యార్థుల్లో పెరుగుతున్న నేర ప్రవర్తన
మరోవైపు గేమింగ్‌ కేంద్రాలకు వెళుతున్న అనేక మంది విద్యార్థుల్లో నేర ప్రవర్తన ఎక్కువవుతుందని పోలీసుల దృష్టికి వచ్చింది. గేమింగ్‌ కేంద్రాలలో కొనసాగుతున్న బెట్టింగ్‌ల సమయంలో నిర్వాహ కులు విద్యార్థులను బాగా రెచ్చగొడుతుండడంతో వారు ఉద్రేకాలకు, ఉద్వేగాలకు లోనవుతూ నేర స్వభావాన్ని పెంపొందించుకుంటున్నారు. కొన్ని గేమింగ్‌ కేంద్రాల్లో గొడవలు, కొట్లాటలు జరిగినా అవేవి బయటకు పొక్కక పోవడం గమనార్హం. ఉజ్వల భవిష్యత్తు కలిగిన విద్యార్థులు ఇలా గేమింగ్‌ కేంద్రాలకు పరిమితమవుతూ నేర ప్రవర్తనను పెంపొందించుకోవడంపట్ల మేధావి వర్గా లు తీవ్ర ఆందోళన చెందుతున్నాయి. గేమింగ్‌ కేంద్రాలపై మొదటి నుంచి తీవ్ర అభ్యంతరం వ్యక్తం చేస్తున్న మేధావి వర్గాలు ఈ విషయంలో పోలీసు ల తీరును కూడా తప్పుపడుతున్నాయి. శాంతి భద్రతల విషయంలో కఠినంగా వ్యవహరించే పోలీసులు విద్యార్థుల నిండు జీవితాలను పాడు చేస్తున్న గేమింగ్‌ సెంటర్లపై ఎందుకు చర్యలు తీసుకోవడం లేదని ప్రశ్నిస్తున్నాయి.

కోట్లాది రూపాయల లావాదేవీలు
ఇదంతా ఒక ఎత్తుకాగా గేమింగ్‌ కేంద్రాలలో నిత్యం కోట్లాది రూపాయల లావాదేవీలు జరుగు తున్నాయని పోలీసులు అంగీకరిస్తున్న నిజం. చిన్నపాటి లైసెన్స్‌ కలిగి వుండే ఈ గేమింగ్‌ కేంద్రాలలో కోట్లాది రూపాయల లావాదేవీలు జరగడం వెనుక మతలబు అందరికీ తెలిసిందే. సాదాసీదా వీడియో గేమ్స్‌తోపాటు వందల నుంచి వేలాది రూపాయల బెట్టింగ్‌లు నిర్వహించడం విద్యార్థులను వ్యసనపరులుగా మార్చడం వల్లే ఇంతటి భారీ స్థాయిలో లావాదేవీలు జరుగు తున్నాయని పలువురు వ్యాఖ్యానిస్తున్నారు. గేమింగ్‌ కేంద్రాల పనితీరును చూస్తుంటే పదిహేనేళ్ల క్రితం రాష్ట్రంలో సింగిల్‌ నంబర్‌ లాటరీ మాఫియాను తలిపిస్తుంది.

అప్పట్లో కూలీ, నాలీ, బీదా, బిక్కి జనానికి లాటరీ ఆశ చూపుతూ వారి కష్టార్జితాన్ని నిలువునా దోచుకున్న సింగిల్‌ నంబర్‌ లాటరీ కారణంగా లక్షలాది కుటుంబాలు వీధిన పడ్డాయి. చివరకు ప్రజా సంఘాల ఆందోళనకు సర్కారు తలొగ్గడంతో ఆ మాఫియా అంతమైంది. కానీ ఇప్పుడు మళ్లీ గేమింగ్‌ సెంటర్ల రూపంలో పుట్టుకొచ్చింది. అప్పట్లో పేద ప్రజలను సింగల్‌ నంబర్‌ లాటరీ కొల్లగొడితే ఇప్పటి గేమింగ్‌ కేంద్రాలు మాత్రం దేశానికి వెన్నెముక అయిన యువతను, ముఖ్యంగా విద్యార్థుల జీవితాలనే నాశనం చేస్తుండడం గమనార్హం. విద్యార్థుల జీవితాలతో చెలగాటమాడుతున్న గేమింగ్‌ కేంద్రాలపై పోలీసులు ఇంత వరకు కఠిన చర్యలు తీసుకున్న దాఖలాలు లేకపోవడం విశేషం. ఆయా ప్రాంతాలలో జరిగే గేమింగ్‌ కేంద్రాల గోల్‌మాల్‌ గురించి పోలీసులకు పక్కా సమాచారం వున్నా వారు చూసీ చూడనట్లు వ్యవహరించడం వెనుక మతలబు నెలసరి మామూళ్లేనని వేరుగా చెప్పాల్సిన పనిలేదు.

సంఘ విద్రోహకులపై, చట్ట వ్యతిరేకులపై ఉక్కుపాదం మోపుతామని పదే పదే నీతులు చెప్పే పోలీసు బాస్‌లు గేమింగ్‌ కేంద్రాలలో జరుగుతున్న అడ్డగోలు వ్యవహారాలపై ఇకనైనా కఠినంగా వ్యవహరించాల్సిన అవసరం ఎంతైనా వుంది. యువత పెడదోవపడితే దాని ప్రభావం మొత్తం సమాజంపైనే పడుతుందన్న మేధావుల వ్యాఖ్యలను పోలీసు బాస్‌లు పరిగణలోకి తీసుకోవాల్సిన అవసరం వుంది.

తన సమఉజ్జీ అయిన స్టీవ్‌వా,లారా, వార్న్‌ వంటి వ్యక్తులతో కూడా ప్రశంస పొందాడు. టెస్టులు, వన్డేల్లో కలిపి 30 వేల పరుగులు పూర్తిచేసిన ఆటగాడు కూడా ‘మాస్టరే. తన వ్యక్తిత్వం భారతదేశానికి ఎంతో పేరు తెచ్చింది. 1999 వరల్డ్‌ సందర్భంగా ‘సచిన్‌ తండ్రి హఠా న్మరణం చెందినప్పటికీ 20 రోజులు గడవక ముందే ‘ఇంగ్లండ్‌కు పయనమయ్యాడు. దీనిద్వారా అతని దేశభక్తి ఎంత అమోఘమైందో నిరూపించాడు. ఆ వరల్డ్‌ కప్‌లో బాధనుదిగమింగి ‘భారత జట్టును ‘సూపర్‌సిక్స్‌ చేర్చడంలో ప్రముఖపాత్ర వహించడం తెలిసిందే. తను 200 మంది అనాధపిల్లలను దత్తతతీసుకొని వారి ఆలనాపాలనా కొనసాగి స్తున్న విషయం కూడా విదితమే.

భారత ప్రభుత్వం ఇతని సేవను గుర్తించి గతంలో పద్మశ్రీ, పద్మ విభూషణ్‌, అర్జున్‌ అవార్డులు అందచేసింది. ఇవి సచిన్‌కు సాగిరాలేవు. ఇతని ఘనతకు సరైన పురస్కారం ‘భారతరత్నతో మాత్రమే పూడ్చగలం. ఈ భారతదేశ అత్యున్నత పురస్కారాన్ని కేంద్ర ప్రభుత్వం సచిన్‌కు అందించి సన్మానించాలి.

అటు అటవీశాఖ, ఇటు రెవిన్యూ యంత్రాంగాన్ని లోబరచుకొని వేలాది ఎకరాల అటవీ భూముల్ని కాజేసిన వైనం తెలిసినా వాటిని నియంత్రించే యంత్రాంగం నిస్సహాయంగా వ్యవహరిస్తోంది. ఫలితంగా రోజురోజుకూ అటవీభూముల ఆక్రమణలు యధేచ్చగా సాగిపోతున్నాయి. కలెక్టర్‌, జాయింట్‌ కలెక్టర్‌ స్థాయి అధికారులు కూడా వీటిని నిరోధించలేని అసాధారణ పరిస్థితులు ఇక్కడ నెలకొన్నాయి. దీంతో జిల్లా మొత్తం మీద 1.25 లక్షల ఎకరాల అటవీ విస్తీర్ణం ఇప్పుడు సగానికిపైగా తరిగి పోయింది. దీన్ని నిరోధించే వారు గానీ, నిఘాపెట్టి నియంత్రించే వారు గానీ లేకపోడంతో అటవీ ప్రాంతం మరింత తగ్గిపోయి పర్యావరణానికే ముప్పు ఏర్పడే  ప్రమాదం దగ్గర్లోనే ఉంది.

కృష్ణాజిల్లాలో 1.25 లక్షల ఎకరాల అటవీ భూములు ఉంటే, ఒక్క నూజివీడు రెవిన్యూ డివిజన్‌లో 25 వేల ఎకరాలకు పైగా అటవీభూమిని కబ్జా చేశారు. ఆక్రమించిన భూమిలో కార్పొరేట్‌ వ్యవసాయం చేస్తూ రెండు చేతులా ఆర్జిస్తున్నారు. మామిడి, మొక్కజొన్న, చెరకు, మిర్చి, పత్తి వంటి పంటలు సాగుచేస్తూ లక్షలాది రూపాయలు సంపాదిస్తున్నా పట్టించుకునే నాధుడు లేడు.  దీనికి అధికార పార్టీ నాయకులుతో పాటు, అధికారుల అండదండలు ఉండటంతో యధేచ్చగానే ఆక్రమ ణలు సాగుతున్నాయి. చాట్రాయి, విస్సన్నపేట, ముసునూరు, బాపులపాడు, రెడ్డిగూడెం, తిరు వూరు, గంపలగూడెం, గన్నవరం మండలాల్లో ఆక్రమణలు పాలైన అటవీభూమి ఎక్కువగా ఉంది. ఈ భూములను అటవీభూములుగా 4,5 నోటిఫి కేషన్ల కింద ప్రకటించినప్పటికీ 80 శాతానికిపైగా అటవీ భూములు ఆక్రమణదారుల చేతుల్లోనే ఉన్నాయి.

నూజివీడు రెవిన్యూ డివిజన్‌ చాట్రాయి మండలం ఆరుగొలనుపేటలో సర్వే నెంబరు 294/1లో 1647 ఎకరాలు ఆక్రమణలకు గురైంది. అటవీభూములకు సరిహద్దులు కూడా లేవు. గ్రామ స్థాయి నుంచి జిల్లా స్థాయి అధికారుల వరకూ భూస్వాములతో కుమ్మక్కయి అటవీశాఖాధికారులు అటవీభూముల ఆక్రమణకు సహకరించారనే ఆరోపణలు వెల్లువెత్తుతున్నాయి. విస్సన్నపేట, తాత కుంట్ల, ఆరుగొలనుపేట, జనార్థనవరం, చిత్తపూరు వంటి గ్రామాల నుంచి వందలాది మంది పేదలు ఈ ఆక్రమణలను అడ్డుకోవాలని చేసిన ప్రయత్నాలు విఫలం అయ్యాయి.

పైగా వారిపై అధికారులు అక్రమ కేసులు బనాయించి వారిని నిరోధించారు. దీనివల్ల భూస్వాములు ఆక్రమణలు మరింతగా పెరిగాయి. చాట్రాయి మండలంలో మొత్తం 78,400 ఎకరాల అటవీభూమి ఉన్నట్లు రికార్డుల్లో ఉంటే వాటిలో దాదాపు కబ్జాపాలయిందే ఎక్కువగా ఉంది. ఆరుగొలనుపేటలో సర్వే నెంబరు 121/1లో 80 ఎకరాలు,294/1 లో 1647 ఎకరాలు కలిపి మొత్తం 1727 ఎకరాలు ఆక్రమణలో ఉన్నాయి. ఇవే కాకుండా మిగిలిన మండలాల్లో కూడా ఇదే తరహాగా వందలాది ఎకరాల అటవీభూమిని కబ్జా చేశారు.

జమిందారీ భూములూ కబ్జా
నూజివీడు రెవిన్యూ డివిజన్‌ పూర్వం జమిం దార్ల పాలనలో ఉంది. ఆ రోజుల్లో జమిందార్లు మిగులు భూముల్ని అటవీశాఖకు అప్పగించారు. దీన్ని ఆసరాగా చేసుకొని ఇప్పటికీ పాతరికార్డులు సృష్టించి జమిందారీ పట్టాలు పుట్టించి సర్వే సెటిల్‌ మెంటు కోర్టుల ద్వారా స్టేలు పొందుతున్నారు. పేదలు సెంటు భూమి కూడా లేకుండా నిరుపేదలు అవుతుంటే, భూస్వాములు మాత్రం దొంగరికార్డు లతో వందలాది ఎకరాలు ఆక్రమించి మరింత అనుభవిస్తున్నారు.

ఎక్కడైనా ఒకచోట పేదలు అటవీప్రాంతంలో కన్పిస్తే వారిపై కేసులు మోపడం, జైళ్లపాలు చేయడం మినహా అధికారులు అసలైన ఆక్రమణదారుల్ని నిరోధించలేక పోతున్నారు. 1950లో సర్వే జరిగినపుడు సర్వేకు అనుకూలంగా లేని భూములను అరణ్యంగా ప్రకటించడం వల్ల తుమ్మగూడెం, చిత్తపూరు, రమణక్కపేట వంటి గ్రామాల్లో సాగుచేస్తున్న భూములకు పట్టాలు రాక నష్టపోయారు. అటవీ చట్టం 1967 ప్రకారం 4 నోటిఫికేషన్‌ ఇచ్చిన సందర్భంలో ప్రజలకు అటవీ చట్టాలపై అవగాహన లేకపోవడంతో తాము సాగుచేసుకుంటున్న భూములు 4 నోటిఫికేషన్‌ కింద ప్రకటించరాదని అభ్యంతరం తెలియజేయలేకపోయారు. దీంతో వాటికి పట్టాలు పొందలేక పోయారు.వీటిని కూడా భూమస్వాములు వారికి ఉన్న అన్ని రకాల అండదండలతో ఆక్రమణలు చేస్తున్నారు.

కార్యాచరణ శూన్యం
అటవీభూముల ఆక్రమణలపై ప్రభుత్వం, ప్రజల నుంచి, పత్రికల నుంచి స్పందన రాగానే హడావిడిగా సమీక్షలు నిర్వహించడం, విచారణకు ఆదేశించడం జరిగే ప్రక్రియ. కాలం గడిచే కొద్దీ దీని తీవ్రత తగ్గిపోయి, ఆక్రమణలు యదావిధిగానే సాగుతాయి. గతంలో కూడా అటవీభూముల ఆక్రమణలపై ఇదే విధానం సాగింది. గడచిన రెండేళ్లుగా అధికారులు ఇదే మాట చెపుతున్నా కార్యాచరణలో మాత్రం నిరోధించలేక పోగా, మరింత ఎక్కువవుతున్నాయి. రెండేళ్ల క్రితం అప్పటి ఆర్డీఓ ఎస్‌.వెంకట్రావ్‌ సమక్షంలో రెవిన్యూ, ఫారెస్ట్‌ అధికారులు సమీక్ష సమావేశం నిర్వహించారు. ఫారెస్ట్‌ భూముల ఆక్రమణ జరుగుతున్నా పట్టించుకోక పోవడం తమ వైఫల్యమని డిఎఫ్‌ఓ పేర్కొనడం, అటవీభూములకు పట్టాదారు పాస్‌పుస్తకాలు మంజూరు చేయడం, అక్రమ రిజిస్ట్రేషన్లు జరుగుతున్నా పట్టించుకోకపోవడం రెవిన్యూ అధికారులుగా తమ వైఫల్యమని పేర్కొన్నారు.

వాటిని సరిదిద్దుకొని భవిష్యత్‌లో ఎలాంటి అక్రమణలు లేకుండా చూద్దామని సమీక్షా సమావేశంలో  నిర్ణయించారు. కానీ ఆక్రమణలకు గురైన ఒక్కఎకరాన్ని కూడా స్వాధీనం చేసుకున్న దాఖలు లేవు. ఈ ఆక్రమణలపై తాజాగా వెలుగులోకి రావడంతో జిల్లా కలెక్టర్‌ పీయూష్‌ కుమార్‌, జాయింట్‌ కలెక్టర్‌ బి.రామయ్యలు స్పందించారు. ఎమ్వార్వోలు, అటవీశాఖాధికారులతో సమావేశం నిర్వహించారు. కానీ పరిస్థితుల్లో ఏమాత్రం కదలిక లేదు. ఫారెస్టు భూముల్ని ఆక్రమించిన భూస్వాముల పట్టాలు సరైనవో కావో నిర్దారించమని విస్సన్నపేట, చాట్రాయి మండలాల తహశీల్దార్లకు ఆదేశాలు ఇచ్చి నెలలు గడుస్తున్నా ఇప్పటికీ ఎలాంటి చర్యలూ లేవు. జాయింట్‌ సర్వే జరిపి బౌండరీలు వేసిన తోటల్లో కనీసం ప్రవేశించకుండా నిషేధిత ఉత్తర్వులు కూడా ఇప్పటికీ ఇవ్వలేదు. ఆక్రమిత భూస్వాములు కోట్ల రూపాయల విలువైన ఆటవీభూముల్లో పంటలు పండించుకుంటూ అనుభవిస్తున్నా వారిని నియంత్రించే సాహసం చేయలేకపోతున్నారు.

పేదలపైనే కేసులన్నీ
అటవీభూముల్ని సంరక్షించాలని, పేదలకు అవసరమైన భూముల్ని పంచాలని సి.పి.ఐ (ఎం. ఎల్‌.) లిబరేషన్‌ గత కొన్నేళ్లుగా పోరాటం చేస్తోంది. ఆంధ్రప్రదేశ్‌ వ్యవసాయ కూలీ సంఘం సంయుక్త ఆధ్వర్యంలో గత నాలుగేళ్లుగా సాగుతోన్న ఈ పోరాటంలో వారిపై కేసులు పెట్టడం మినహా చేసింది శూన్యం. భూస్వాములకు అండగా, పేదలపై కేసులు పెడుతూ అధికారులు వ్యవహరిస్తున్నారు. మండల స్థాయి జిల్లా స్థాయి అధికారి వరకూ అందరూ భూకబ్జాదారులకు అనుకూలంగానే వ్యవహరిస్తున్నారు. ఫలితంగానే అటవీభూమి 80శాతం కబ్జాదారుల చేతుల్లోకి వెళ్లిపోయింది. లిబరేషన్‌ నాయకుడు డి.హరినాథ్‌ ఆధ్వర్యంలో సాగుతోన్న పోరాటాన్ని నిలుపుదల చేయించడం కోసం  చర్చల పేరుతో పిలిచి వంచించిన సందర్భాలే అధికం. జాయింట్‌ సర్వే చేయించడం, అక్రమంగా పెట్టిన కేసుల్ని ఎత్తివేయడం వంటి హామీలు ఇచ్చినా అవి పెద్దగా కార్యాచరణకు నోచుకోలేదు.

జాయింట్‌ సర్వే చేసే సందర్భంలో కూడా అటవీ సిబ్బందిని భూస్వా ములు అడ్డుకోవాలని చేసిన ప్రయత్నాన్ని లిబరేషన్‌ యంత్రాంగం నిరోధించింది. ఫారెస్టు సిబ్బందికి అండగా నిలిచి చేసిన జాయింట్‌ సర్వే కూడా ఇపుడు పెద్దగా ఫలితాన్ని ఇవ్వలేదు. జాయింట్‌ సర్వే చేసి వాటికి బౌండరీలు వేశారు తప్ప నేటికీ ఆ భూముల్ని అటవీశాఖ స్వాధీనం చేసుకోలేదు. ఫారెస్టు బౌండరీల్లో తమకు పట్టాలిచ్చారని తాడేపల్లిగూడెం, పొగుమాడు, విజయవాడ తదితర ప్రాంతాల వలస భూస్వాములు వాదిస్తున్నారు. డిఎఫ్‌ఒ జాయింట్‌ సర్వే ద్వారా విడగొట్టిన భూమిని స్వాధీనం చేసుకొని వనసరరక్షణ సమితి ద్వారా పేదలకు ఇవ్వాలని కోరగా రేంజర్‌ నూజివీడు, ఆర్‌డిఒలను విస్సన్నపేట, జనార్థన వరం, ఆరుగొలనుపేట, చిత్తపూరు, గ్రామా ప్రజ లకు విఎస్‌ఎస్‌ ఏర్పాటు చేయ్యాలని ఆదేశించారు. కానీ ప్రయోజనం లేకపోయింది. ఇదే విధానం అన్ని ప్రాంతాల్లోనూ ఉంది. ఇపుడు పరిస్థితి యధాస్తితికి వచ్చింది.

తక్షణం తీసుకోవాల్సిన చర్యలివి
జాయింట్‌ సర్వే ద్వారా రెవిన్యూ ఫారెస్టు బౌండరీలు గుర్తించాలి. నిర్దారించిన తర్వాత ఆక్రమిత భూముల్లో  ఎట్టిపరిస్థితుల్లోనూ భూస్వాములు ప్రవేశించకుండా వి.ఎస్‌.ఎస్‌.లు ఏర్పాటు చేసి ఫారెస్టు సిబ్బంది స్థానిక ప్రజలకు అప్పగించాలి.
నిర్ణీత కాల పరిమితి ప్రకటించి, ఆక్రమణల తొలగింపునకు చర్యలు చేపట్టాలి.
ఫారెస్టు కాల పరిమితిని ప్రకటించి, ఆక్రమణల తొలగింపు చర్యలు చేపట్టాలి.
నోటిఫికేషన్‌లు 4,15 పునఃపరిశీలన జరపాలి. ప్రజల కోరిక మేరకు వాటిని రద్దుకు సిఫారసు చేయాలి.
గ్రామస్థాయిలో ఆక్రమణల నిరోధానికి  అఖిల పక్ష కమిటీలు ఏర్పాటు చేయాలి.
గ్రామాల వారీగా ఫారెస్టు భూముల్లో జారీ చేసిన పట్టాదారు పాస్‌పుస్తకాలు వివరాలు సేకరించి, తక్షణం రద్దు చేయాలి.
అక్రమ విద్యుత్‌ కలెక్షన్లు తొలగించాలి.
ప్రత్యేక టాస్క్‌ఫోర్సు ద్వారా కొల్లేరు తరహాలో ఆరుగొలనుపేట ఫారెస్టు బౌండరీల్లోని భూములను ఆక్రమిత భూములను స్వాధీనం చేసుకోవాలి.
ఆక్రమణ రిజిస్ట్రేషన్‌ వివరాలు సేకరించి, వాటిని రద్దు చేయాలి.

ప్రత్యేక రాష్ట్రం ఇవ్వకుంటే తెలంగాణ అగ్నిగుండంగా మారతుందనడం అతని సంస్కా రాన్ని స్పష్టం చేస్తోంది. రాష్ట్రాన్ని అగ్నిగుండం చేస్తే మిగిలేది బూడిదే. విడిపోవాలనే కాంక్ష ఇక్కడి ప్రజల్లో తీవ్రంగా ఉందని, కలసి ఉండాలనే అక్కడి ప్రజలకాంక్ష కేవలం కల్పితమని చెప్పడం అవివేకం. ఇన్నేళ్ల నుంచి ప్రజలంతా కష్టసుఖాలను కలిసి మెలసి పంచుకుంటూనే ఉన్నారు. విభజన రేఖలు గీస్తున్నది సంకుచిత, స్వార్ధ పరనేతలే అన్న భావన సహజంగా వచ్చిందే. తత్ఫలితమే సమైక్యాంధ్రకాంక్ష ఉవ్వెత్తున లేచింది.

ఇదెవరూ కాదనలేని సత్యం. భావోద్వే గాలు ఇక్కడి వారికేగాని అక్కడి ప్రజలకు ఉండవా? సమస్య లుంటే విడి పోవడమే పరిష్కారమా? నేతలు, ప్రొఫెసర్లు, మేధావులు, విజ్ఞులు, న్యాయకోవిదులు ఇది గుర్తించి తీరాలి. పెట్టుబడి దారుల్లో మంచివాళ్ళు, స్వార్ధపరులు ఉన్నట్లే, విభజనవాదుల్లో ఉన్నారు. తెలంగాణ ఏర్పడితే ఇక్కడ పెత్తందార్లులేరని పెట్టుబడిదారులు దోపిడీ చేయరని ప్రజ లకు విభజనవాదులు గ్యారంటీ ఇస్తారా? కనుక ఎవరికి వారు ఆత్మపరిశీలన చేసుకోవాలి.

మోడిపై మొన్న ఒక టివి ఛానల్‌లో కొత్త ‘ఆరోపణ వచ్చింది. ఏ సంస్థ ప్రారంభోత్సవం, లేదా దాని ఉత్సవంలోనైనా ఆ ముఖ్యమంత్రిగారు పాల్గొనాలంటే, ఆయన ‘చెయ్యి తడపవలసిందేనట! అదే ఆ టివి ఛానల్‌ తన కథనానికి పెట్టిన శీర్షిక. అలా ఆయన చేసుకున్న సొమ్ము ఇంతవరకు 23 కోట్లు! ఇది చదవగానే ఎంత అవినీతి! ఎంత దుర్మార్గం అనుకోకపోతే, అనుకోని వారిది తప్పు! కాని, ఈ కథనంపైని చమత్కారపు ముసుగు ఇక్కడే పక్కకు తప్పుకుంటుంది! ఆ ‘లంచపు సొమ్మును ఆయన ఒక్క రూపాయి కూడా తీసుకోరట! అణా పైసలతో లెక్కకట్టి, ‘స్వచ్ఛంద సేవా సంస్థలకు, అనాధల సహాయానికి, ఆపన్నులను ఆదుకోడానికి పేద విద్యార్థులకు స్కాలర్‌షిప్పులకు వెచ్చిస్తున్నారట!

ఇది వినడానికి వింతగా వుంది కదూ? ఇలా ఇంతవరకూ ఏ ముఖ్యమంత్రీ చేయలేదు. అలా చేయకపోతే, ఆయన నరేంద్ర మోడీయే కాదు-అందుకే ఆయన విలక్షణ ముఖ్యమంత్రి. ఔను, మరి! ఆయన బ్రహ్మచారి ముఖ్యమంత్రి! ఒరిస్సాకు కూడా నవీన్‌ పట్నాయక్‌ మూడవసారి ముఖ్యమంత్రి. ఆయన కూడా బ్రహ్మచారే సుమా! బ్రహ్మచారులకు కోట్ల కొద్దీ ధనార్జన అవసరమేమున్నది? అందువల్లనే కాబోలు, గాంధీజీ రాజకీయ గురువు గోపాలకృష్ణ గోఖలే పరిపాలకులు బ్రహ్మచారులైతే మంచిదన్నాడు!

అయితే, మోడికి ఇప్పుడు మంచిపేరు - చాలా మంచిపేరు - వచ్చింది కాని, ఆయన మొదటిసారి ముఖ్యమంత్రిత్వంలో కొంత చెడ్డపేరే తెచ్చుకున్నారని చెప్పాలి. గోధ్రాలో జరిగింది ఘోరమే. ఆ రైలులో కరసేవకులను కొందరు మతోన్మాదులు ఘోరంగా హత్య చేయడం క్షమించరాని నేరమే. అయితే, గోద్రా హత్యాకాండకు ప్రతీకారంగా ఆ తరువాత గుజరాత్‌లో జరిగిన అమాయకుల వధ అన్నింటిని మించిపోయింది.

అంతకంటె ఘోరం -’గోద్రా ఘోరానికి గుండెలు మండుతున్న గుజరాత్‌ ప్రజలు ప్రతీకారం తీర్చుకుంటున్నారని తన రాష్ట్ర ప్రజలందరి రక్షణకు బాధ్యత వహించవలసిన సాక్షాత్తు ముఖ్యమంత్రి అనవలసిన మాటేనాఅది? ఒకవేళ మనస్సులో అనుకున్నా, పైకి అనవలసిన మాటేనా అది? సాక్షాత్తు ప్రధాని వాజ్‌పేయి సైతం ‘గుజరాత్‌ ఘోరాలకు సిగ్గు పడుతున్నానని బాధ పడ్డారు. అంతే కాదు-మోడీని పదవి నుంచి తొలగిస్తామని కూడా ఆయన పార్లమెంట్‌కు హామీఇచ్చారు.వాజ్‌పేయి మోడీని తొలగిస్తామని గోవాలో అని, గుజరాత్‌ రాజధాని అహమ్మదాబాద్‌ వచ్చేసరికి మాట మార్చారు! మరి, మోడీయా? మజాకా? ఆయనను తొలగించడం ఎవరితరం? బిజెపి ‘ఉక్కుమనిషి అద్వాని ఆయనకు వెన్నుదన్ను. అంతకుమించి గుజరాతీల హృదయాధినాధుడు.అందువల్లనే,గోద్రా గోలపై భారతీయ పత్రికలు, అమెరికన్‌ పత్రికలు ఎంత గగ్గోలు పెట్టినా, మోడీ చెక్కు చెదిరితేనా? ఆయన గట్టిగా తలచుకుంటే, కేంద్రంలోని తన పార్టీ అధినేతల పునాదులనే కదిలించగలడు.

జనాకర్షకుడు
మోడీ మంచి వక్త. సంభాషణా చతురుడు. ఏదైనా సమస్య తనను నిలదీయాలనివచ్చిన వుద్దండులనైనా తన వాక్చమత్కృతితో నిరుత్తరులను చేయగల మాటల మాంత్రికుడు. తన ప్రత్యర్థులు తనను ఎంత తీవ్రంగా విమర్శించినా, నిందించినా తాను మాత్రం సహనం కోల్పోని వ్యక్తిత్వాన్ని ఆయన రూపొందించుకున్నాడు.

దాదాపు ఎనిమిది ఏళ్ల క్రితం ఆయనను ఈ ‘వార్తలలోని వ్యక్తి తీవ్రంగా విమర్శించకపోలేదు.అయితే,అప్పటి మోడీ వేరు; ఇప్పటి మోడీ వేరు.అప్పుడాయన మొదటి రాజకీయవేత్త. ఇప్పుడాయన సగటు రాజకీయవేత్తకు చాలా పైమెట్టు ఎక్కి కూర్చున్నారు. జనా కర్షణ శక్తిలో వివిధ విషయ పరిజ్ఞానంలో ఆధునిక గుజరాత్‌లో ఏ నాయకుడు ఆయనకు దీటుకాడని ఆయన ప్రత్యర్థులే ప్రయివేటు సంభాషణలో అంగీకరిస్తారు.అయితే,ఒక ‘ప్రమాదం లేకపోలేదు. ఏనాటికైనా భారత ప్రధాని కావాలన్నది ఆయన కోర్కె; ఆయన అభిమానుల అభిమతం.అది బిజెపి మరోసారి అధికారంలోకి వచ్చినప్పుడే సాధ్యం. పార్టీలో ఆయనకు వ్యతిరేకత కూడా లేకపోలేదు. ఏమో? ఒకప్పటి ఆర్టీసి క్యాంటీన్‌ మేనేజర్‌ ఈస్థితికి రాగలడని ఆయనైనా అనుకున్నారా? మోడి ఎమ్‌.ఏ.బి.ఎల్‌. ఆయన వయస్సు 61 సంవత్సరాలు.